四季酸菜魚冰室

營業中

休息中

今日（7/11/2021）路過佐敦搵下午茶食，見這餐廳有川式下午茶，幾特別，咪試下。餐廳環境唔錯，座位間有足夠空間，侍應態度良好。下午茶餐價錢唔貴。點了三份餐1）四季老壇酸菜魚配重慶酸辣紅薯粉，酸菜魚唔係食開既味道，改良過，重港式味道，份量多，配料足，但味道麻麻。重慶酸辣紅薯粉就幾好味。2）四季八仙醉雞配四川擔擔麵，醉雞好嚡口唔入味，無酒香味，四川擔擔麵就唔錯。3）四季上海排骨配四川擔擔麵，排骨太淋，似係落咗好多鬆肉粉，無咩肉味。