牛極 (庇利金街) (已結業)

老公係牛魔王，最鍾意食牛牛。今日佢放假，我就帶佢去食好嘢。我哋嚟到佐敦嘅牛極，呢度價錢合理，質素唔錯，服務亦友善。老公選咗200克牛柳，我就揀咗180克牛肩扒。牛肉用熱石上桌，廚房煮到一成熟，顧客再因應自己嘅口味，燒到心水生熟度。每個定食都包湯，沙律及飯，自己出去裝。我覺得幾好，因為就算係大胃王，都一定食得飽。我覺得牛肩較牛柳好吃， 肉質較嫩，而且牛肉味更香濃。而免費任取的餐湯是羅宋湯，味道濃郁，牛肉炆得入味。