新惠和

營業中

休息中

參加一天遊去塔門，例牌到新漢記食午飯。而新惠和就在對面，山長水遠黎到，一定要試試海膽蛋三文治同無冰凍奶茶。而家佢地仲新出咗咸檸茶。天氣咁熱，行到流晒汗，於是就買咗咸檸茶、無冰凍奶茶同海膽蛋三文治3個人share食。海膽蛋三文治即叫即做，個火爐在店外，煮ge過程一清2楚。等咗大約5-7分鐘就新鮮熱辣送到你手上。即刻攞入去新漢記坐低食。新鮮熱辣，海膽與雞蛋混為一體，海膽都幾鮮味，唔會覺得腥，同埋啱我呢d唔鍾意海膽口感ge人，因為唔會食到海膽淋pat pat ge質地。無冰凍奶茶其實好普通，無特別。但在炎熱ge天氣下，成了大家的恩物。咸檸茶，一d都唔好飲，可以不試。咸檸唔夠咸唔夠酸，反而就好苦，味道好奇怪。下次再黎會再食海膽蛋三文治同試佢地個海膽炒飯。