李家 (山林道)

營業中

休息中

個個都去咗旅行，見到好多人去韓國食炸雞，小編都好想去，所以就去咗李家感受下韓國嘅氣氛，呢間舖頭小編讀書嗰陣成日都去食，而家再去，別有一番風味炸雞佢哋有得揀有骨或者無骨，小編就鍾意食啖啖肉，所以就揀咗無骨，至於口味就揀咗青辣椒蛋黃醬炸雞配洋蔥，芝士雞蛋捲，海鮮蔥餅，水冷麵青辣椒蛋黃醬炸雞配洋蔥，蛋黃醬裏面有微微嘅辣味，再配上洋蔥+脆卜卜嘅炸雞，出面好少呢一種口味，正！芝士雞蛋捲，蛋捲一層層，好嫩滑，裏面充滿芝士，拉芝力好高😝海鮮蔥餅，平時仲食開泡菜煎餅，鍾意食海鮮同蔥嘅朋友，真係一定要叫依個試吓，薄餅裏面充滿好多海鮮同埋大蔥同蛋漿，加少少辣汁，食唔停口😎水冷麵，食咗咁多熱氣煎炸嘢，識吓水冷麵cool down 下，而且小編好耐都冇食過，水冷麵+醋同黃芥辣，好開胃！