象泰宴

營業中

休息中

帶班朋友去屯門一日遊，最後一站就係去食泰國菜，之前有屯門友講過呢間高質，咁梗係要去一去！揸車去附近都有錶位，易泊入嘅！門口都幾靚，入面好大，裝修都係泰國feel!朋友話佢嘅泰式生蝦好特別，一定要叫，估唔到佢一shot shot咁上枱！打卡一流！生蝦夠晒新鮮，大大隻，d汁夠晒辣，夠晒開胃！生蝦夠辣，即叫杯餐廳推介嘅百香芒芒同紅色花園(西瓜)降降溫，原來面係芝士奶蓋，層次分明，口感特別，大大杯絕對值得推介！之後就係期待已久嘅招牌菜，星洲咖哩大肉蟹加伊麵底，仲叫埋個香蔥蒜蓉包點汁食！大肉蟹充滿晒濃濃嘅咖哩汁，撈埋伊麵食，好味又飽肚，最surprise 嘅係估唔到蒜蓉包係咁大舊！香味洋溢，點咖哩汁更美味！最後叫多個馬拉盞炒椰菜苗加原隻椰青海鮮焗飯作結。椰青焗飯表面淋有厚厚嘅椰青汁，上枱果刻真係椰香四溢！整體而言，呢間泰國菜環境靚，食物高質，真係多謝介紹俾我嘅屯門友！我一定會再幫襯！