影片
更多
2023-11-21
349 瀏覽
屯門置樂附近其實好多野食 唔想成日去市中心就黎呢邊搵下食 估唔到有驚喜🤭餐廳行復古風格 環境唔算大 但佈置得好細緻除左有室內 仲有少量室外位置餐廳附近仲有得泊車 好方便餐廳由兩夫妻一齊經營 老闆負責廚房 老闆娘負責樓面 老闆娘仲好Nice 仲好細心咁介紹野食同食法✨是日餐湯-蕃茄湯蕃茄湯好濃 好似食左成個蕃茄落肚咁湯濃稠得黎帶少少酸好開胃 ✨青口配白酒忌廉汁份量好大 青口好新鮮 青口有細心處理過 唔似平時啲青口咁會食到啲海草醬汁調味得好好 香濃但唔膩入面仲有洋蔥 蒜蓉同蘑菇 食落清爽又有口感個汁仲可以用餐包點黎食 仲正🙌🏻✨威靈頓牛柳估唔到呢度有威靈頓牛柳 老闆娘話黎緊星期四就會轉menu到時就可能未必試到 梗係拿拿聲叫黎試下喇牛柳揀左7成熟 熟度岩岩好 好嫩而且rest過先上檯 唔會一切就有血水出黎外皮酥脆 加埋蘑菇同鵝肝 一啖放入口香氣四溢 真係可以用齒夾留香黎形容朋友話好好食🤤✨巴伐洛娃蛋白餅呢款甜品好少見 所以叫黎試下上面係生果加忌廉 下面係烤脆既蛋白餅配百香果醬入口甜而不膩 脆脆既蛋白餅似細個食既花塔餅配埋百香果醬 酸酸甜甜 好特別✨White Wine bella✨Frui
就黎呢邊搵下食 估唔到有驚喜🤭
餐廳行復古風格 環境唔算大 但佈置得好細緻
除左有室內 仲有少量室外位置
餐廳附近仲有得泊車 好方便
餐廳由兩夫妻一齊經營
老闆負責廚房 老闆娘負責樓面
老闆娘仲好Nice 仲好細心咁介紹野食同食法
✨是日餐湯-蕃茄湯
蕃茄湯好濃 好似食左成個蕃茄落肚咁
湯濃稠得黎帶少少酸好開胃
✨青口配白酒忌廉汁
份量好大 青口好新鮮
青口有細心處理過 唔似平時啲青口咁會食到啲海草
醬汁調味得好好 香濃但唔膩
入面仲有洋蔥 蒜蓉同蘑菇 食落清爽又有口感
個汁仲可以用餐包點黎食 仲正🙌🏻
✨威靈頓牛柳
估唔到呢度有威靈頓牛柳
老闆娘話黎緊星期四就會轉menu
到時就可能未必試到 梗係拿拿聲叫黎試下喇
牛柳揀左7成熟 熟度岩岩好 好嫩
而且rest過先上檯 唔會一切就有血水出黎
外皮酥脆 加埋蘑菇同鵝肝 一啖放入口
香氣四溢 真係可以用齒夾留香黎形容
朋友話好好食🤤
✨巴伐洛娃蛋白餅
呢款甜品好少見 所以叫黎試下
上面係生果加忌廉 下面係烤脆既蛋白餅配百香果醬
入口甜而不膩 脆脆既蛋白餅似細個食既花塔餅
配埋百香果醬 酸酸甜甜 好特別
✨White Wine bella
✨Fruit Punch
每一樣菜式都有驚喜
雖然係小店經營 但可以感受到用心之處
好高質 推介大家黎試下👍🏻
張貼
