串囍

營業中

休息中

呢日同屋企人去左屯門呢間日式居酒屋小店，呢間隱世小店每一樣嘢都好好食，真係好滿意！ 首先係鰹魚湯櫻花蝦大蝦烏冬，個湯底一試就知係用心熬製，鰹魚嘅鮮味好突出，唔會太鹹又帶陣陣甘香。櫻花蝦好香口，撈埋烏冬一齊食，口感層次好豐富！大蝦好彈牙，仲有鮮味留喺口腔，份量幾足，值得一試。 第二道係日本清酒煮藍青口，呢道菜一上枱就有陣清酒香氣，青口個肉好嫩滑，完全冇腥味，反而係清酒嘅甜香滲入咗去，味道唔會過濃，啱啱好。 味淋魚乾就係一個簡單又好味嘅小食，魚乾本身有陣天然鹹香味，係居酒屋飲酒嘅完美配搭。 最後要推介下佢哋嘅串燒。雞三角軟骨夠香脆，雞膝軟骨帶少少咬口，雞腎串就燒得啱啱好，外層微焦，內裡嫩滑多汁，真係每串都好吸引！配搭冰凍既麒麟一番搾生啤，大滿足啊！