影片
更多
2025-03-31
43 瀏覽
串囍今次要介紹一間喺屯門嘅置樂花園附近有一間串燒店叫「串囍」，一路食串燒，一路睇英超，簡直超正！呢間串燒店門口有一級，如果輪椅人士要入去嘅話，就要自備斜板，入到去會見到有一部好大部嘅電視，通道唔算太窄，每晚22:00後啤酒買2送1，星期二三四仲有推出限定串囍超串套餐優惠，鍾意睇波嘅你，不妨試下一路食串燒，一路睇波啦！1.醬燒新鮮鰻魚飯 跟可樂$98（8.5/10）呢碗醬燒新鮮鰻魚飯份量都幾多，新鮮鰻魚都有3舊，肉質鮮嫩，啖啖肉，鰻魚汁搽多d就更好味，飯中間仲有日本生雞蛋同紫菜碎，超串套餐仲唔洗加錢配埋一罐可樂添！2.叉燒拉麵$78+麒麟一番榨生啤酒500ml$48（9.5/10）呢碗叉燒拉麵同出面相比真心唔差，拉麵彈牙又掛汁，叉燒又有4片，湯底唔咸算幾濃，超串套餐仲可以以$48加一杯麒麟一番榨生啤酒，有成500ml，原價一杯都要$78，食串燒點可以唔叫生啤飲呢！3.唐揚魷魚鬚$58/份（套餐加配小食）（9.5/10）呢碟唐揚魷魚鬚份量勁多，魷魚鬚外皮炸得好脆，魷魚鬚咬落唔會硬，有汁之餘又彈牙，一共有三大舊魷魚鬚，呢個價錢係超串套餐加配小食嘅優惠！4.唐揚雞軟骨$38/份（套餐加配小食）
今次要介紹一間喺屯門嘅置樂花園附近有一間串燒店叫「串囍」，一路食串燒，一路睇英超，簡直超正！
呢間串燒店門口有一級，如果輪椅人士要入去嘅話，就要自備斜板，入到去會見到有一部好大部嘅電視，通道唔算太窄，每晚22:00後啤酒買2送1，星期二三四仲有推出限定串囍超串套餐優惠，鍾意睇波嘅你，不妨試下一路食串燒，一路睇波啦！
1.醬燒新鮮鰻魚飯 跟可樂$98（8.5/10）
呢碗醬燒新鮮鰻魚飯份量都幾多，新鮮鰻魚都有3舊，肉質鮮嫩，啖啖肉，鰻魚汁搽多d就更好味，飯中間仲有日本生雞蛋同紫菜碎，超串套餐仲唔洗加錢配埋一罐可樂添！
2.叉燒拉麵$78+麒麟一番榨生啤酒500ml$48（9.5/10）
呢碗叉燒拉麵同出面相比真心唔差，拉麵彈牙又掛汁，叉燒又有4片，湯底唔咸算幾濃，超串套餐仲可以以$48加一杯麒麟一番榨生啤酒，有成500ml，原價一杯都要$78，食串燒點可以唔叫生啤飲呢！
3.唐揚魷魚鬚$58/份（套餐加配小食）（9.5/10）
呢碟唐揚魷魚鬚份量勁多，魷魚鬚外皮炸得好脆，魷魚鬚咬落唔會硬，有汁之餘又彈牙，一共有三大舊魷魚鬚，呢個價錢係超串套餐加配小食嘅優惠！
4.唐揚雞軟骨$38/份（套餐加配小食）（8.5/10）
呢碟唐揚雞軟骨份量都多，雞軟骨炸得好脆，如果雞軟骨細粒少少會更好食！
5.燒羊架（一件）$48（10/10）
呢件燒羊架真係好味到不得了，肥瘦比例6：4，燒嘅時間啱啱好，肉質非常嫩，味道又唔羶，必叫之選！
2人總共價錢$405，其他有加一服務費！
個人口味總評分：9.2/10
@cheershere_
地址：屯門青山公路 - 青山灣段351號彩華花園A座地下10號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#串囍 #串燒 #每晚十點後啤酒買二送一 #香港美食 #屯門美食 #屯門好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
