新金榮小廚

營業中

休息中

屯門人如果要講起食打冷，一定係會去何福堂，因為新墟何福堂嗰邊有一條街都係食打冷嘢嘅，好多人都會坐喺條街度食。不過今次帶埋老人家一齊去食呢，就唔係咁方便啦。好彩侍應都非常之殷勤，馬上帶我哋去有冷氣嘅地方。難得婆婆話想食打冷，噉就一定唔可以令佢失望喇，新金榮我哋都食過好多次，所以都馬上點返幾個小菜滷水鵝片。老實講我平時對滷水鵝都冇乜興趣。不過去到打冷鋪，見到啲滷水鵝片每個都係薄切嘅，識落唔會話好韌，質素唔錯。炸蠔餅。去食打冷點可以唔食炸蠔餅呢。呢間野炸蠔餅都係非常之鬆脆，亦都十分足料。椒鹽九吐魚，椒鹽魷魚。呢個又系另一樣一定要食嘅嘢，椒鹽九肚魚亦係非常香脆，係鹹咗少少，但唔行又點叫椒鹽哩。椒鹽魷魚都係一樣，仲好彈牙添。蒜香骨。蒜香骨分量都唔細，食落好香香蒜味，不過都係鹹咗少少。沙薑雞。因為其他餸食得太多，呢啲雞我都冇食過，不過婆婆都覺得幾好食嘅。總結嘅係，大排檔都係男人的浪漫，作為屯門人，同班男仔朋友都會成日嚟食，所以比個好評啦。