住家飯

營業中

休息中

$158就可以無限時任食雞煲+任飲啤酒。平日去$158仲唔使加一，週末貴$20都仲抵過去茶餐廳叫個扒！雞煲款多到選擇困難症發作，川味麻辣夠癢、三杯夠香、沙嗲夠濃，我哋嗌咗個雙拼，雞肉嫩到好似BB肌，汁又夠味，舐埋手指都仲想再食🤤食完雞煲仲可以轉火鍋，忌廉雞湯底濃到見到奶皮，涮咩都好食！配料多到要兩個雪櫃先裝得晒。最正係啤酒任飲！青島一支支排到整齊，我個friend話呢度簡直係「啤酒控嘅天堂」，飲到面紅紅仲話要續攤🤣 唔飲酒都有奶茶、凍檸茶，即沖都幾好味，總之無人會空肚走。