牧羊少年咖啡館 (屯門市廣場1期)

營業中

休息中

屯門這家牧羊少年咖啡館長期都爆排隊，所以一直都無機會試，今次路過竟然見到無乜人喎，立即決定入去食個午餐。首先屯門這間店的裝修都好光猛，侍應方面都態度良好，座位都坐得舒服。我地叫了一個Set，點了黃金咸蛋忌廉鳳尾蝦意大利粉、炸法國雞翼同 + 一杯咖啡，再另加了一杯牛奶可可朱古力。-黃金咸蛋忌廉鳳尾蝦意大利粉，好食，咸蛋黃味都重，鳳尾蝦都大蝦同爽口，整碟意粉都好欣賞，連不嬲唔太喜歡食西餐的媽媽都稱讚。-炸法國雞翼，雖然唔係好知隻雞翼係咪真係黎自法國，不過都炸得幾香口同鬆脆，同埋隻雞翼都幾厚肉。-咖啡，唔錯，最重要係媽媽話好飲。-至於杯牛奶可可朱古力，可能係我自己不太喜歡朱古力味太濃既飲品，如果好喜歡朱古力的朋友就絕對可以來試一試，因為d朱古力真係好厚好濃。總括來說，係一間值得推介的好食店。