牛繁一人燒肉 (屯門市廣場1期)

營業中

休息中

行完屯門AEON，見到「牛繁一人燒肉」即刻入去試！本來想試下午茶餐，但餐牌太吸引，燒肉控完全把持不住😂 ，結果點左牛繁套餐（$155 ），套餐有份量選擇，啱晒唔同胃口！兼北海道原條魷魚（$138），仲加左泰式酸辣醬（$5）試新口味！牛繁套餐有牛胸花、特選肩胛片、薄切牛舌，仲有秘製燒汁同漬物（芽菜菠菜），配飯好滿足！牛胸花燒完仲有汁滴出！薄牛舌係我嘅最愛，入口好嫩！魷魚原條上，彈牙juicy，配泰式酸辣醬真是一個字：讚！夠晒開胃！味道夠特別，推介燒肉或魷魚都點來試！店內環境好有心思，設計仲好貼心，日式風，木質裝潢加燈光，單人位設計岩晒一個人嚟食，一格格有啲似自修室，私隱度高。枱面有個凹位，岩岩好放食物盤，超smart！仲有籃仔放隨身物。調料齊全，有胡椒、鹽、味噌、燒肉汁同辣粉，自己調味超自由！中間有小插曲，店員唔小心上錯菜，但好快發現，主動換返岩嘅俾我哋，服務態度👍 整體價錢合理，套餐有份量選擇。推介俾愛燒肉嘅朋友！