泰原味

營業中

休息中

估唔到屋邨商場都有好食既泰國菜。雖然唔知係咪正宗，但好合香港人既口味。.冬蔭公湯好足料，好多菇係入面，味道唔算好辣，酸酸辣辣咁，好開胃。佢有得揀大煲同細煲，細煲有4隻蝦，分到大約6碗湯左右。金邊粉有幾隻，可以轉炒河粉。我叫左最普通果隻，通常食泰國野都係果隻。個粉茄汁味比較重，炒得好入味，如果辣辣地應該會仲好味。菠蘿炒飯都好足料，又大兜，而本人覺得無咩特別，略嫌d飯太硬。但同行朋友好鍾意呢個菠蘿炒飯。