嘉年華海鮮酒家

營業中

休息中

嘉年華酒樓到飲左好幾年 每逢有咩日子親戚朋友都會約埋係呢度食飯飲茶食個包🥐好耐無食過 咁岩同朋友仔無野做 就約埋去飲茶傾下計👧🏻👧🏻👧🏻專登入去 門口好多人等位 大約等左10張枱先入到去👅蝦餃燒賣呢兩部係每次去酒樓必叫既！其實呢兩味都已經好反映到酒樓嘅質素 食呢兩樣點心 就可以知道間酒樓咩料！☕️蟹子燒賣皇$25燒賣質素都正正常常ʕ •ᴥ•ʔ☕️鮮蝦蝦餃$25蝦餃嘅質素就麻麻 個皮唔夠彈牙 蝦肉唔多 食落冇咩口感 食左一嚿就收手🥲☕️豉汁蒸鳳爪☕️香煎薄餅罉以上兩款都正正常常，冇咩驚喜，薄罉得唔夠香同脆🥲☕️黑金流沙包呢一個係我食過全餐最好食嘅點心！一搣開一半 真係流心㗎 唔會甜同膩💓🐿食過咁多年整體質素每年下降⬇️以前真係會覺得嘉年華好食 但係依家真係麻麻哋 粗粗地飲茶都可以接受 但係唔好期待話真係好好食🥹市面上越開越多新式嘅小型點心館 食物質素好好🤤希望大型酒樓都可以做返好啲 大家都可以食返好好味嘅點心🥰