Ruby Tuesday (MegaBox)

營業中

休息中

小妹家姐自從做左Ruby Tuesday 會員，就成日假期帶我地去食，做左我家御用飯堂。一坐低首先做左指家動作，掃描左個member apps先。然後就問侍應有冇今個月贈送嘅野。會員6月免費贈送，一碟有三塊煙三文魚配檸檬汁。水牛城雞翼都幾辣，好似一座雞翼山咁，配菜係西芹條同蘿蔔條，好新鮮。呢款係新嘅沙律，而家最興嘅羽衣甘藍配上混合熱帶乾果，合桃，以及特製醬汁。但就好勁青味，唔係人人接受到。6月special 會員價，豬鞍好厚身，但肉質又唔老，幾淋。配菜有薯條，蕃茄仔，沙律菜。呢個芝士西蘭花超好味，西蘭花爽口得黎勁多芝士汁，雞肉好嫩好滑，今晚驚喜。今次冇叫chocolate tall cake，因為太飽。叫左呢個士多啤梨puff加雪糕，感覺幾清新，唔膩。都係果句啦，半價真係幾抵食。