車站豆腐花

營業中

休息中

平日五時多，若非門口既招牌，真係估唔到有豆腐花食。因為入面有個女人掃地，另一個女人睇書，仲有部電視播緊卡通片。係門口諗緊係咪無開既時候，就俾掃地中既女人叫入去。廿七度，仲身穿厚衣既我，只想食凍豆腐花。可惜無，想轉身就走，不過朋友仔好似想食(當然啦，佢先著一件短袖)。好吧，捨命陪君子。好彩原來佢有凍豆漿。熱豆腐花或者今日行得少，兼不算炎夏，所以食落不太驚喜(從來都話辛苦過後食咩都覺好味)。食左豆腐花一啖，幾滑，亦有豆味。可惜糖水有薑味，哈，朋友仔最憎薑，難為佢今次要一個人食曬。凍豆漿樽裝豆漿不是凍，是冰，因為真係有冰係入面，炎炎夏日飲一啖即刻消暑。豆漿很濃豆味，不過仲有d豆渣，唔夠滑。雖然食物稱不上驚喜，但周圍環境，加埋牆上既小孩子塗鴉，真係好有屋企感覺。