影片
更多
2010-06-27
944 瀏覽
位於銅鑼灣駱克道嘅石山，簡單不花巧嘅裝修，牆上掛佈滿日文菜牌，擺出一個正宗地道居酒屋格局，而且價錢適中，絕對是三五知己暢飲談天嘅好地方...高野豆腐 - 呢幾件其貌不揚嘅凍豆腐，一咬落去就知點解佢有資格成為呢度嘅名物。而且我夠膽講如果黎到唔試下呢個豆腐的話，絕對係一個極大嘅損失。點解咁講？試諗下一件充滿豆香嘅凍豆腐，入口質感好似海綿蛋糕，被封鎖嘅湯汁應聲解放出黎，實在非常精彩！而果種興奮莫名嘅感覺，令到我地忍唔住都要encore多一次，所以真心推介大家點都要試一次！梅貝煮 - 日本人煮螺當然無中國人咁多花款，呢款梅貝煮只係簡簡單單用醬油煮東風螺，醬油甜甜地味道剛好，螺肉彈牙入味，佐酒真係一流。麻醬菠菜 - 凍菠菜加上麻醬攪勻，作為前菜小食，味道上絕對合格，不過麻醬可以再多少少的話，味蕾肯定可以加倍雀躍。味噌煮大腸 - 呢度嘅味噌醬汁真係煮得幾出色，食落亦幾有日本風味。大腸夠腍亦入味，又係一個佐酒嘅好選擇。雞泡魚乾 - 講起佐酒，日本料理之中有兩樣係唔可以錯過。其中雞泡魚乾就係其一，呢度雞泡魚乾燒得好好味，跟本唔駛再加沙律醬。酒盜芝士－另一個唔可以錯過嘅，當然就係我嘅至愛酒盜芝士，呢度芝
高野豆腐 - 呢幾件其貌不揚嘅凍豆腐，一咬落去就知點解佢有資格成為呢度嘅名物。而且我夠膽講如果黎到唔試下呢個豆腐的話，絕對係一個極大嘅損失。點解咁講？試諗下一件充滿豆香嘅凍豆腐，入口質感好似海綿蛋糕，被封鎖嘅湯汁應聲解放出黎，實在非常精彩！而果種興奮莫名嘅感覺，令到我地忍唔住都要encore多一次，所以真心推介大家點都要試一次！
梅貝煮 - 日本人煮螺當然無中國人咁多花款，呢款梅貝煮只係簡簡單單用醬油煮東風螺，醬油甜甜地味道剛好，螺肉彈牙入味，佐酒真係一流。
麻醬菠菜 - 凍菠菜加上麻醬攪勻，作為前菜小食，味道上絕對合格，不過麻醬可以再多少少的話，味蕾肯定可以加倍雀躍。
味噌煮大腸 - 呢度嘅味噌醬汁真係煮得幾出色，食落亦幾有日本風味。大腸夠腍亦入味，又係一個佐酒嘅好選擇。
雞泡魚乾 - 講起佐酒，日本料理之中有兩樣係唔可以錯過。其中雞泡魚乾就係其一，呢度雞泡魚乾燒得好好味，跟本唔駛再加沙律醬。
酒盜芝士－另一個唔可以錯過嘅，當然就係我嘅至愛酒盜芝士，呢度芝士條味濃，魚腸漬物味道夠香夠濃，份量亦相當多，比起八王子更加正！推介！
大根煮 - 唔好以為煮白蘿蔔好簡單，食落要腍無渣入味先至叫合格，呢味大根煮絕對係中上級數，蘸少少黃芥辣食，絕對係另一個令人回味嘅經驗！
魷魚刺身 - 如果唔係有舊wasabi喺前面的話，我諗大家都以為呢個係冷烏冬，呢度食魷魚幾特別，身體部份可以當刺身食，而魷魚鬚部份就留黎做天婦羅...
魷魚天婦羅 - 呢個組合名字大家可能比較少聽到，但大家想像一下無落椒鹽嘅炸魷魚鬚，味道大約估到係點。佢跟黎亦有一碗近似喼汁嘅醬料，食落都幾好味架。
炸粟米天婦羅 - 賣相雖平庸，但口感味道都係上等佳作。另外用紫蘇葉包住嘅帶子天婦羅亦幾特別，不過首先你要接受紫蘇葉果種濃郁嘅香氣先....
燒牛脷 - 牛脷肉質食落去失色左少少，但勝在呢度師傅串燒功夫唔錯，令到平平無奇嘅牛脷串燒得相當香口，味道亦令人讚嘆不已。如可以提升牛脷返貨質素，一定更精彩！
串燒雞軟骨 - 呢個小食其實都幾難整得好難食，所以食完牛脷後已對雞軟骨抱有十足信心，果然無令我失望，燒得好香脆好鬼正～Yummy !
南蠻雞 - 有禮侍應小姐推介嘅南蠻雞，味道雖然不至難食，但食落去真係似一舊日式咕嚕雞球，而且仲要係便當盒其中一格放兩舊果種....即係點？即係唔你唔駛試～哈哈！
味噌鍋物 - 以味噌汁為主做湯底，入面有三文魚，豚肉，豆腐，冬菇，芋絲等等。款式包羅萬有，味道平平無奇，不過湯底真係唔錯，彌補唔少分數。
燒年糕 - 年糕味道較清淡，而且燒得乾左少少，咬開要用多少少力。值得讚嘅係出面緊緊包住嘅紫菜，一放低已聞到香味散發出黎，真係幾掂架！
甜品有啫喱雪糕俾你選擇，而我地叫左呢個水蜜桃果凍啫喱，SIZE都幾大架！入面舊水蜜桃又大又甜，為呢餐精彩晚飯劃上句號。
張貼
