今日去咗南華會嗰度打波，打完波出嚟食個tea先
見到希雲街嗰度有間媽咪雞蛋仔，消耗完啲卡路里即刻想食返啲邪惡嘢
本身諗住叫雞蛋仔，但係見到格仔餅又忍唔住叫返我嘅最愛，下次先再次試雞蛋仔
無論係雞蛋仔定係格仔餅都有好多唔同嘅款式，要試晒咁多款嘅話都真係要啲時間
原味格仔餅$23
因為係第一次食，所以都想試吓原味先
因為係即叫即整嘅，所以都真係要等吓
格仔餅落上手非常之熱，個邊係脆嘅，然後入邊係鬆軟鬆軟
煉奶花生醬落得非常之重手，食咗半個已經feel到飽飽地
平時食格仔餅好容易食到成手都係醬，媽咪雞蛋仔嘅格仔餅非常之貼心
除咗出邊個紙袋之外，入邊仲用咗一層牛油紙包實，所以唔會食到好狼狽
7
