海鮮山醉辣火鍋

營業中

休息中

唔係講笑，短短2個星期就忍唔住口，就約夠8人食盡鋪頭上既味食。拿拿淋入鋪頭，再次俾員工既溫馨提示包住了🤭🤭每位員工有自己既次序講解上菜尢其有個男員工真係好有禮貌👍👍👍加上特別小食酥炸魷魚鬚，真係好食到呢！魷魚唔難咬，又彈牙，又有鮮味。出面既炸粉唔似酒樓果啲多粉到要咬出黎唔食🥰🥰今次叫左個象拔蚌4人餐象拔蚌超級新鮮又夠甜，唔洗加豉油芥末都已經好足夠，分量真係好夠4人食。乾煱上既海鮮又另外一番風味，都好夠鮮甜美。手打雙丸又彈牙👍，唔痴牙🦷，夠新鮮。最後既黑琢肉放上煱上涮2野就食得，薄得黎又好有肉味，真係食到😋😋。最後重要關鍵出場，就係因為它而來斧頭扒50-60安士5成熟，好嫩肉，夠肉汁，乜野配醬都唔洗加，連埋包肥膏真係不得了。食到個個都話好滿足，好幸福😄😄一定會有下次。