蔵鳶居酒屋

營業中

休息中

下班收工和朋友來到位於尖沙咀的Kura Tobi， 中文名為蔵鳶居酒屋，坐落於加拿分道的地舖，店內柔和的燈光和擺設都給人一種非常舒服的感覺，點餐方式用了QR code自助點餐，客人可以一邊享用小食前菜再一邊慢慢挑選。來到日式居酒屋，一坐下必定叫杯凍啤酒再加份小食一路傾再一路慢慢挑選食物。送酒小食非常推介炸池魚仔，每條池魚仔都炸得非常通透，滲頭出陣陣清香的魚油，再加杯冰凍啤酒，絕對係炎炎夏日消暑舒壓之選。小食方面還有炸雞皮餃子，燒鮑魚，和燒腩肉。炸得爽脆的雞皮包裹着雞肉，值得一讚是內裏的雞肉並不會非常乾，還保留著些少油脂，非常香口。主食方面有日本馬糞海膽赤蝦定食，主角當然係大大嚿的新鮮日本直送馬糞海膽，海膽食嘅當然係新鮮，日本直送嘅海膽鮮甜之餘並不會濃味和腥味，大大隻的赤蝦和厚切的三文魚易令人相當印象深刻。另一份煮食是鰻魚定食，大大條的炭燒鰻魚配上燒汁，未食已經聞到香濃嘅炭燒香味，而飯底更是有心思地加上幼細的蛋絲，不論外觀或味道都提升了一個層次。