影片
更多
2023-09-15
1655 瀏覽
諾士佛臺酒吧林立 天文台道都唔認輸 呢間專門食墨西哥菜嘅就坐立於天文台道8號 呈開放式 可以坐近大街一邊飲酒一邊欣賞街景😗環境來講每張台都有一盞小燈 昏暗嘅黃燈配上酒吧嘅音樂好有格調🍸🌮水牛城辣牛肉墨西哥酥餅💰152quesadilla係其中一樣必食！有四塊烤得表面酥脆嘅烤餅 旁邊就擺左signature嘅三色醬 乍眼一睇份量好似好細 但係餡料一D都唔少！芝士夾雜係辣牛肉中間橫切面好厚 辣牛肉比較鹹 同肉醬相比會更乾身 但係加埋芝士就容易入口D quesadilla自己本身都幾乾脆 點埋番茄莎莎醬 牛油果泥同酸忌廉就黏身D 酸忌廉比較似酸奶質地 都好清新🧡🍛西班牙海鮮飯💰198呢度海鮮飯用鑊仔形式上菜 畢個陣鑊仔仲會轉來轉去🤣一隻炸過嘅大蝦躺臥係飯正中央 隔離仲有兩隻青口「把守」飯入面仲有唔少魷魚同蝦出沒 飯粒乾身粒粒分明 就咁食味道唔突出 擠左D檸檬汁之後會好味D😗D海鮮味道都唔重 個人覺得點埋酸忌廉入去食會仲好味🫢🥙墨西哥牛肉玉米餅沙律💰138沙律係一台主食入面分外清新 牛肉粒 番茄仔 芝士碎 番石榴 牛油果片分開擺放 靠自己手動撈勻 好少食有酸忌廉嘅沙律 令沙律菜嘅酸味多左一種層
諾士佛臺酒吧林立 天文台道都唔認輸 呢間專門食墨西哥菜嘅就坐立於天文台道8號 呈開放式 可以坐近大街一邊飲酒一邊欣賞街景😗環境來講每張台都有一盞小燈 昏暗嘅黃燈配上酒吧嘅音樂好有格調🍸
🌮水牛城辣牛肉墨西哥酥餅
💰152
quesadilla係其中一樣必食！有四塊烤得表面酥脆嘅烤餅 旁邊就擺左signature嘅三色醬 乍眼一睇份量好似好細 但係餡料一D都唔少！芝士夾雜係辣牛肉中間橫切面好厚 辣牛肉比較鹹 同肉醬相比會更乾身 但係加埋芝士就容易入口D quesadilla自己本身都幾乾脆 點埋番茄莎莎醬 牛油果泥同酸忌廉就黏身D 酸忌廉比較似酸奶質地 都好清新🧡
🍛西班牙海鮮飯
💰198
呢度海鮮飯用鑊仔形式上菜 畢個陣鑊仔仲會轉來轉去🤣一隻炸過嘅大蝦躺臥係飯正中央 隔離仲有兩隻青口「把守」飯入面仲有唔少魷魚同蝦出沒 飯粒乾身粒粒分明 就咁食味道唔突出 擠左D檸檬汁之後會好味D😗D海鮮味道都唔重 個人覺得點埋酸忌廉入去食會仲好味🫢
🥙墨西哥牛肉玉米餅沙律
💰138
沙律係一台主食入面分外清新 牛肉粒 番茄仔 芝士碎 番石榴 牛油果片分開擺放 靠自己手動撈勻 好少食有酸忌廉嘅沙律 令沙律菜嘅酸味多左一種層次 番石榴嘅清甜同車厘茄嘅汁水配合得宜 令牛肉粒都冇咁乾 有醃肉嘅香味 牛油果片雖然切得較大但係都唔會太膩 配上芝士碎整體口感更加豐富😗
🍸Snowball
💰88
snowball嘅外表酒如其名 連味道都特別q 有益力多同雲呢拿嘅香味！其實snowball係以蛋黃酒同檸檬氣泡水混合而成 酒味唔重 甜味反而突出D 都幾適合女仔飲！
整體來講坐係近門口可以望住車水馬龍 waitress同老闆服務都好好 雖然張台比較細但係可能係野食嗌得太多🫢望住好大嘅調酒bar都好有feel！
📌 8Five2 Restobar (尖沙咀)
尖沙咀天文臺道8號地下2號舖
張貼
