影片
更多
2023-02-23
80 瀏覽
📍李家 𝗖𝗵𝗶𝗰𝗸𝗲𝗻 𝗛𝗢𝗙 & 𝗦𝗢𝗝𝗨 (尖沙咀) 相信鍾意食韓國炸雞嘅都一定聽過李家，呢間🇰🇷韓國過江龍店係由韓國人主理嘅，已經嚟咗香港好多年，今次終於去試試！佢哋最主打嘅就係多款口味嘅韓式炸雞🍗，除炸雞外仲有多款正宗韓國主菜同小食，選擇豐富！餐廳會播住k-pop，感覺好有氣氛！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️半半炸雞 - 無骨蜂蜜蒜蓉味 ($118)▪️半半炸雞 - 無骨咖喱味 ($118)炸雞有好多款口味，今次就試咗其中兩款口味各半份，同埋揀咗無骨嘅，咁就可以食落啖啖肉😋！炸雞係新鮮即炸嘅，上枱時仲係熱辣辣，而且估唔到半份都有咁多。佢嘅外層好香脆，炸粉唔會太厚，而內裏好嫩滑多汁，食落仲唔會太油，唔怪之得係佢哋嘅主打❤️🔥！兩款口味我會比較鐘意蜂蜜蒜蓉味，食落甜甜地咁，有超多醬汁，而且真係會有原塊蒜片🧄！另一口味咖喱味平時好少見，估唔到同炸雞都幾夾！🥘咖喱味好香口惹味，不過如果再辣少少就更正！▪️泡菜湯 ($168)每次食韓國菜我都會試泡菜湯~ 泡菜湯好足料，有豆腐、金菇、泡菜、豬肉等，好豐富。呢排天氣又開始凍返少少，飲返碗泡菜湯好暖粒粒🥰好舒服，而且辣辣哋酸酸哋咁，好開胃！▪️士多
相信鍾意食韓國炸雞嘅都一定聽過李家，呢間🇰🇷韓國過江龍店係由韓國人主理嘅，已經嚟咗香港好多年，今次終於去試試！佢哋最主打嘅就係多款口味嘅韓式炸雞🍗，除炸雞外仲有多款正宗韓國主菜同小食，選擇豐富！餐廳會播住k-pop，感覺好有氣氛！
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️半半炸雞 - 無骨蜂蜜蒜蓉味 ($118)
▪️半半炸雞 - 無骨咖喱味 ($118)
炸雞有好多款口味，今次就試咗其中兩款口味各半份，同埋揀咗無骨嘅，咁就可以食落啖啖肉😋！炸雞係新鮮即炸嘅，上枱時仲係熱辣辣，而且估唔到半份都有咁多。佢嘅外層好香脆，炸粉唔會太厚，而內裏好嫩滑多汁，食落仲唔會太油，唔怪之得係佢哋嘅主打❤️🔥！兩款口味我會比較鐘意蜂蜜蒜蓉味，食落甜甜地咁，有超多醬汁，而且真係會有原塊蒜片🧄！另一口味咖喱味平時好少見，估唔到同炸雞都幾夾！🥘咖喱味好香口惹味，不過如果再辣少少就更正！
▪️泡菜湯 ($168)
每次食韓國菜我都會試泡菜湯~ 泡菜湯好足料，有豆腐、金菇、泡菜、豬肉等，好豐富。呢排天氣又開始凍返少少，飲返碗泡菜湯好暖粒粒🥰好舒服，而且辣辣哋酸酸哋咁，好開胃！
▪️士多啤梨味梳打 ($38)
▪️蘋果味梳打 ($38)
佢哋有多款色彩繽紛嘅水果味梳打，食炸雞除咗飲啤酒外都可以考慮下呢個！今次試咗士多啤梨味🍓同蘋果味🍏都好好飲，好清新解渴，甜度適中，而且甜味唔會太假。
𝑨𝑫𝑫𝑹𝑬𝑺𝑺:
📍尖沙咀山林道54-56號利雅商業大廈地下2號舖
Shop 2, G/F, The Leader Commercial Building, 54-56 Hillwood Road, Tsim Sha Tsui
張貼
