影片
更多
2022-12-24
34 瀏覽
今日係平安夜，首先預祝大家聖誕節快樂！臨近聖誕節日氣氛濃厚，所以今日都選擇同朋友食好啲，去咗一間尖沙咀都幾出名嘅韓國料理店度食韓國菜。li間舖頭有幾間分店，今次我哋食咗呢間分店主要係食韓國燒烤為主，另外都有啲韓國鍋類食品，喺呢啲凍凍地嘅天氣食絕對最啱。舖頭嘅裝修同韓國嘅小店差唔多，由於店舖嘅工作人員大部份都係韓國人，所以有瞬間去咗韓國嘅感覺。今次我哋叫咗個牛骨雪濃湯，一份五花肉燒烤同埋一份春川炒辣雞。牛骨雪濃湯牛肉嘅味都好香濃，牛肉嘅份量都好多，肉質好滑溜。湯入口有少少鹹，但係配合返佢哋最正宗嘅食法，將白飯倒入湯入邊之後，個股多餘嘅鹹味瞬間消失，入口亦都有好多種口感同埋層次，我個人都幾推薦。五花肉份量都唔錯，油花分布都好平均，入口味道好純粹，肉質香濃之餘，亦都唔會有過分嘅騷味值得一試！春川炒辣雞算係香港比較少見到嘅菜式，我自己食過韓國嗰間一直都念念不忘，所以一見到就即刻要試吓！佢哋嘅份量超級大，四個人食都好足夠。醬汁方面我哋揀咗小辣，佢哋有因應香港人嘅口味調配，啱啱開始食嗰陣香甜感十足，慢慢食落去之後佢嘅辣味先至會微微滲出，絕對唔會有壓力。雞肉方面，份量都好多，而且兩邊都有好多唔同嘅配
臨近聖誕節日氣氛濃厚，所以今日都選擇同朋友食好啲，去咗一間尖沙咀都幾出名嘅韓國料理店度食韓國菜。li間舖頭有幾間分店，今次我哋食咗呢間分店主要係食韓國燒烤為主，另外都有啲韓國鍋類食品，喺呢啲凍凍地嘅天氣食絕對最啱。
舖頭嘅裝修同韓國嘅小店差唔多，由於店舖嘅工作人員大部份都係韓國人，所以有瞬間去咗韓國嘅感覺。今次我哋叫咗個牛骨雪濃湯，一份五花肉燒烤同埋一份春川炒辣雞。牛骨雪濃湯牛肉嘅味都好香濃，牛肉嘅份量都好多，肉質好滑溜。湯入口有少少鹹，但係配合返佢哋最正宗嘅食法，將白飯倒入湯入邊之後，個股多餘嘅鹹味瞬間消失，入口亦都有好多種口感同埋層次，我個人都幾推薦。
五花肉份量都唔錯，油花分布都好平均，入口味道好純粹，肉質香濃之餘，亦都唔會有過分嘅騷味值得一試！
春川炒辣雞算係香港比較少見到嘅菜式，我自己食過韓國嗰間一直都念念不忘，所以一見到就即刻要試吓！佢哋嘅份量超級大，四個人食都好足夠。醬汁方面我哋揀咗小辣，佢哋有因應香港人嘅口味調配，啱啱開始食嗰陣香甜感十足，慢慢食落去之後佢嘅辣味先至會微微滲出，絕對唔會有壓力。雞肉方面，份量都好多，而且兩邊都有好多唔同嘅配料，包括蔬菜同埋年糕，本身仲想加多個麵或者飯，但係因為太飽嘅關係，所以就冇加到，大家如果過嚟食春川炒辣雞嘅話記得之後加返個麵或者飯，一定會超級好食！
總括嚟講，我覺得呢間餐廳食品質素都唔錯，聖誕節如果未諗到想食咩嘅，你絕對可以一試！
張貼
