燒肉801

營業中

休息中

同朋友喺尖沙咀行完街見到有間燒肉之前一路都好多人排隊，今日終於有時間去食！呢間餐廳係主打日本直送食材，材料十分新鮮而且性價比非常之高。今次我哋就嗌咗兩份Double拼盤，同埋另外加$38要咗個冷麵set，同生菜set。神盛Double入面有三款牛肉，分別係特上牛胸腹肉，腹前牛小排同牛板腱肉 整體嚟講油脂分布均勻，肉質軟淋，咬落依然保持肉汁。三腹盛Double想食唔同肉類款式就叫咗呢款入面就有牛肉雞肉同埋豬肉，分別係特上牛胸腹肉，係三款肉入邊我最鍾意嘅一款，肉質軟淋牛味濃郁，醬油和豚胸腹肉同九州雞胸腹肉都非常令人有驚喜，雞肉肉質嫩滑，配上少少鹽作調味，已經非常出色。最後真心推介大家一定要加配埋個冷麵，酸酸甜甜可以中和食肉嘅油膩感非常開胃。呢間餐廳性價比非常之高，肉類質素都屬於高上，如果下次想食燒肉絕對會係首選之一。