尖沙咀漆咸道南57-59號金馬倫中心2樓
四兄弟姊妹難得一齊食嘢，梗係搵返間各方面都正嘅靚餐廳啦，今晚就揀咗「八木橋日式燒肉」，真係好掂❤️
「雨」同「霞」套餐都好多嘢食，選材係頂級，包括澳洲和牛、比目魚西京燒、、芝士雞腿肉、韓風瓷壼醬油牛肋肉、米澤三元豚肉、炸物天婦羅等等，真係食得好滿足❤️
和牛個油花勁均勻，燒完脂香嗆鼻，入口即溶😋；海鮮類推比目魚西京燒，肉質滑口感佳，係我哥哥嘅至愛；仲有鮑魚、生蠔咁豪華配料，完全係海鮮愛好者天堂🦪！
另外，炸物天婦羅都唔輸蝕，炸蝦脆卜卜，蟹柳仲有汁出🍤
甜品同飲品選擇都唔少，我食咗朱古力雪糕同榴槤雪條，任食120 分鐘食得超滿足✨
總括嚟講，呢間任食燒肉，和牛質素、食材種類都夠晒誠意，買一送一抵到爛（霞套餐晚上5:00前入座），燒肉控一定要衝啊 ! 係呢度食燒肉真係高級享受，環境同服務都冇得輸，水準直逼日本高級燒肉店，一定會再嚟！
