蘇媽.蘇媽馬來西亞茶餐室 (已結業)

約咗朋友尖沙咀飲野，之前要搵地方食飯，見到有馬來西亞菜，又唔使等位入去試下！裝修有馬來風情，環境配合食物。點左玻璃魷魚配通菜，魷魚份量都幾多，唔會太韌。有少少辣辣地，是醒胃前菜。天氣炎熱，最適適合飲凍冬瓜龍眼茶，消暑解渴，杯內有好多冬瓜和龍眼肉👍。另外叫咗招牌沙煲老鼠粉，質地有啲似銀針粉，砂鍋夠熱，將所有食材撈勻一起食，味道唔錯。小食選擇Loh Bak 檳城香炸鹵肉捲，裏面有啲芋頭、豬肉，用腐皮捲起炸香，是脆口小食。最後試埋佢嘅海南鴛鴦燒麵包，麵包並唔係普通嘅白麵包，用咗焦糖麵包，味道更香甜，配上厚厚嘅牛油同埋咖央醬，是非常美味嘅甜點。