第一道拉絲芝士韓式炸雞真係邪惡到爆！一上枱就見到個小爐仔煮緊滿滿嘅芝士，店員姐姐好貼心幫我哋將炸雞捲上融化咗嘅芝士～ 一拉真係有成30cm長嘅拉絲效果，打卡一流！炸雞外皮脆卜卜，肉質保持juicy，配埋鹹香嘅芝士，雖然罪惡感爆棚，但真係停唔到口。旁邊仲有粟米同年糕，吸盡芝士精華，正啊！
另一道海鮮煎餅絕對係我食過數一數二嘅版本！煎到金黃香脆，邊位脆得像餅乾，但中間保持軟糯。海鮮料落得超足，每啖都食到魷魚、蝦仁同蔥段，仲有啲脆口嘅蔬菜增加口感。點埋佢哋特製嘅醬油，酸酸甜甜更加開胃，完全唔會覺得油膩。
兩款食物份量都夠大，三至四個人分享就最啱。餐廳環境充滿韓國街頭風，播住K-pop，氣氛好輕鬆。雖然周末要排陣隊，但為咗呢個芝士炸雞，絕對值得再encore！
1
