南대門

營業中

休息中

尖沙咀韓國餐廳林立，時不時都會想搵吓未試過嘅餐廳試試。近排天氣涼返啲，特別想食返燒肉，好似特別啱季節。醒起呱間係Edan拍MV取景嘅韓式燒肉餐廳，見唔多人就順便試吓。估唔到一上枱就有5小碟前菜，部分都幾有特色，例如有花生魚乾仔同西芹腸仔。牛肉拼盤 $530拼盤類啱晒牛魔王同選擇困難症人士，當中包括牛肉眼、牛肋骨肉、肩胛肉同板腱肉。燒個陣油香都幾突出，但可能無點醃製嘅關係，入口味道會較清淡。鍾意重口味啲可以加上泡菜、香油、豆瓣醬或者生菜包起同食，層次會相對豐富。另外可以係大醬湯同泡菜湯二選一，大醬湯有啲似小辣版嘅日本味噌湯，配料仲加入豆腐同蜆等。水冷麵 $90餐廳麵款唔算多，唯有揀唔會點出錯嘅水冷麵試吓。如果驚啲麵痴埋一舊，可以叫店員幫手剪開，會方便進食啲。食落冰涼酸甜，麵質煙韌，整體都幾開胃。