伍佰私廚•海鮮火鍋

營業中

休息中

今日同朋友仔去咗一間私房菜餐廳度食飯，餐廳主打海鮮火鍋，但係其實佢哋都有點心可以食，今日正好去試下特級茗茶 （午市）有收茶芥， 有幾款茶可以揀，常見有普洱、鐵觀音，亦都有玄米茶，最後揀咗菊花茶， 味道清香生滾花膠雲吞雞麵叫咗碗生滾花膠雲吞雞麵，湯底呈現清澈嘅金黃色，入口濃而不膩， 配料有花膠、雲吞、雞肉， 花膠質地軟淋，雲吞皮薄餡靚，滿滿都係肉， 雞肉一啲都唔嚡口， 麵條吸湯汁好鮮蝦餃蝦餃一共有四粒，外皮晶瑩剔透，入面有兩嚿大蝦肉，食落好爽口燒賣燒賣係蝦肉燒賣，同樣有四粒， 燒賣表面會見到完整嘅蝦仁，底下就係豬肉， 肉質結實飽滿，鮮味十足黑松露餃呢款黑松露餃係素食，一共有三隻餃， 表面嗰一層皮有啲似水晶皮咁， 口感偏糯， 一咬開有明顯嘅黑松露香， 內餡用咗菇類整成， 所以會食到菇菌類獨有嘅鮮味鮑汁鳳爪呢款鮑汁鳳爪， 醬汁煮得杰身， 仲加咗唔少花生粒入去， 鳳爪本身比較煙韌有彈性， 加埋啲醬汁好惹味XO醬炒腸粉呢款xo醬炒腸粉幾有鑊氣，腸粉表面整到好焦香， 再加入一啲韭黃豆芽一齊炒， 爽口又美味