小清邁 (柯士甸大廈) (已結業)

約左收工去朋友屋企傾野，所以係樓下附近買個外賣上去邊食邊傾。見到呢間「小清邁」由三位泰國人主理，決定試下。外賣店有炒粉飯、主食、小食、蔬菜、串燒、甜品及飲品。選擇算是多元化。《冬陰公湯》（$108/大）真心嚇親，足足有兩大湯碗之多。兩個人吾使爭，可以一人一碗自己飲。湯加有椰奶，仲有大蝦、車厘茄、海鮮菇、洋蔥、辣椒、香茅及其他香料等，湯味道夠濃夠辣夠香。《生菜包》（$78）肉碎炒得非常惹味，保鮮紙包好生菜亦新鮮，乾淨衞，味道係不錯。可惜沒有吾辣，否則我和朋友都覺得加辣會更加正。下次落單時一定要問下可否加辣。《木瓜沙律》（$68）有多款蔬菜，豆角、木瓜絲、紅蘿蔔絲，再配有腰果。配料十分新鮮，即叫即製，配上泰式秘製酸辣汁，開胃惹味。《青檸梳打》（$28）估不到配上冰杯，冰底加有青檸汁外，更加有薄荷汁，加入梳打後，味道非常清新，出奇好飲。《泰咖啡》（$20）自家冲製並入樽冷藏，乾淨衞生。咖啡味及甜度非常濃郁。