驚安燒肉商店

營業中

休息中

同朋友去尖沙咀想食日式嘅燒肉，嚟到依間驚安燒肉商店，聽講牛肉好高質，仲有日本燒肉嘅feel一於試試佢！依間啱晒鍾意食牛嘅牛魔王啊！🐮🐮🐮和牛壽喜燒先上重頭戲，有店員幫我哋燒嘅和牛壽喜燒，配埋個黑松露月見汁好好味！原條手切牛舌(半條) 口感滑溜，咬落去仲食到啲肉嘅纖維，好滿足！簡單調味再加啲檸檬汁，更加帶出牛舌本身嘅鮮味。 極黑和牛牛小排 牛小排牛味超濃，成陣肉香！啲油脂分布得好均勻，肉質又滑又嫩，咬落去仲爆肉汁㗎！ 和牛博多葱卷 和牛博多葱卷個樣已經好吸引，薄薄哋嘅和牛肉包住新鮮嘅博多葱。肉質嫩滑，口感超正！ 蟹肉蘋果沙律 蟹肉嘅鮮甜同蘋果嘅爽脆酸甜夾得啱啱好，好有驚喜！蘋果嘅清新可以中和返蟹肉嘅油膩，食落成個感覺都好清爽。