戀 (太子集團中心) (已結業)

網上見到依間尖沙咀新開既日式居酒屋好似好吸引咁，就約埋朋友收工黎試試佢店鋪好大，座位好寬敞，安排左我地兩個人坐窗邊四人卡位，坐得好舒服特盛刺身拼盤，好豐富，岩哂兩個人食，全部都係厚切而且非常新鮮，有三文魚，甜蝦，油甘魚，吞拿魚，帶子。其中油甘魚好出色，油脂比例好好，肉質鮮嫩。下面仲有冰，令刺身一路食緊既過程都保持住新鮮牛肉豆腐野菜窩，食完生冷野可以暖番個胃，佢既湯唔會太咸，湯底香甜，同埋入面牛肉都幾多下芝士年糕，好新鮮，炸得外脆內軟，入面既芝士拉絲好邪惡但好 juicy , 芝士夠滑夠香，仲要有成四粒大大粒，好抵食串燒六式拼盤，好多款串燒都想試下，於是乎直接接叫左個拼盤，入面有牛舌，羊肉，雞肉，雞翼，和牛，五花荔枝肉，特別推薦牛舌，厚身得黎好軟腍，牛味超香鹽燒鮑魚，一啲都唔會韌，高質而且好新鮮，仲有沙律配菜最後仲有雪條免費食，種類好多，同埋款式都幾吸引下，揀左提子同桃味，好鮮甜。整體黎講待應服務好貼心，加茶加得好快，成個晚餐令人好 enjoy , 會介紹朋友再黎