影片
更多
2020-09-20
121 瀏覽
就咁講加拿分道你未必即刻定位到喺邊，但如果話係厚福街許留山，你應該或多或少都會有啲印象😆。無錯，同一舖位轉咗手開咗間新嘅台灣餐廳，叫做「臺坊」。餐廳面積好細，座位非常有限，所以我見到買外賣嘅客人都唔少。佢個位超旺場👏，生意做唔停手。小店採用快餐店嘅點餐形式，客人先落單俾錢再坐低等送餐。即使店員們好忙，但佢哋仍然保持友善嘅態度，抵讚😊。作為台式食店，佢基本上大路嘅台菜食物都有齊，包括肉燥飯、拌麵、蛋餅同各種小食以及飲品等。價錢仲好大眾化添👍，幾十蚊包主菜連飲品，喺尖沙咀真係唔常見，再加上我都幾肯定舖租唔平。我哋叫咗兩個主菜(均係餐廳推介💮)同一個蛋餅Share食，唔好睇個餐盒細細，其實食起上嚟都幾飽！蒜汁雞絲冷麵($54)，鋪面嘅餸料包括雞絲、蟹柳絲同青瓜絲，份量唔算少！但如果🐔雞絲係手撕雞咁一絲絲會好過雞柳條，因為口感會再好啲。冷麵方面，首先佢真係夠凍，所以唔錯；而且麵條分明、並無漿埋一餅！本身個蒜汁唔算特別濃，食落有啲似細個一蚊包嗰啲味精撈麵，個幾正😋。雖然餐牌寫住呢個冷麵係微辣，但就咁食無咩料到。不過唔緊要，因為枱頭有樽醬寫住「麻辣」，而呢個麻辣醬確係啱哂我口味🌶。辣度唔太高，但麻
餐廳面積好細，座位非常有限，所以我見到買外賣嘅客人都唔少。佢個位超旺場👏，生意做唔停手。
小店採用快餐店嘅點餐形式，客人先落單俾錢再坐低等送餐。即使店員們好忙，但佢哋仍然保持友善嘅態度，抵讚😊。
作為台式食店，佢基本上大路嘅台菜食物都有齊，包括肉燥飯、拌麵、蛋餅同各種小食以及飲品等。價錢仲好大眾化添👍，幾十蚊包主菜連飲品，喺尖沙咀真係唔常見，再加上我都幾肯定舖租唔平。
我哋叫咗兩個主菜(均係餐廳推介💮)同一個蛋餅Share食，唔好睇個餐盒細細，其實食起上嚟都幾飽！
蒜汁雞絲冷麵
$54
14 瀏覽
0 讚好
0 留言
冷麵方面，首先佢真係夠凍，所以唔錯；而且麵條分明、並無漿埋一餅！本身個蒜汁唔算特別濃，食落有啲似細個一蚊包嗰啲味精撈麵，個幾正😋。
雖然餐牌寫住呢個冷麵係微辣，但就咁食無咩料到。不過唔緊要，因為枱頭有樽醬寫住「麻辣」，而呢個麻辣醬確係啱哂我口味🌶。辣度唔太高，但麻味十足，好惹味。收銀處好似賣$80一瓶，都有小小心動！
炸豬扒肉燥飯
$56
10 瀏覽
0 讚好
0 留言
肉燥飯方面，飯粒唔係珍珠米🍚，而且略嫌煮得濕咗啲。不過好彩肉燥好食搭救，加上仲有唔少菜脯粒增加口感，爽爽的。
台式蛋餅
$39
127 瀏覽
0 讚好
0 留言
珍珠奶綠
$20
4 瀏覽
0 讚好
0 留言
總括嚟講，呢間台式小店確係好味道🤤，個人認為比西環同觀塘嘅阿乜來了更好食，可能我鍾意食冷麵同豬扒啦！定價方面，單點一個飯或麵$4X-$5X算正常，但當加幾蚊有埋台灣飲品，性價比即刻升哂，而且更不乏加配小食嘅選項👍。
張貼
