二鍋頭 (嘉芙中心)

營業中

休息中

尖沙咀呢間任食放題真係超抵食！唔單止無限時任你坐，仲有六款煲仔菜任叫，真係超抵食，今次同班friend去食，個個食到好滿足！先講吓個雞煲先，個野味雞煲真係正到爆！啲雞件又滑又入味，個醬汁香到呢～我同朋友都食左唔小！腐乳雞煲就更加驚喜，腐乳味夠濃但唔會太鹹，好似芝士嘅質感，啲雞肉索晒啲汁，送飯真係一流！酸菜魚煲就夠晒開胃，魚片又滑又冇骨，酸菜夠脆又唔會太酸，飲啖湯真係醒神！食完啲煲之後，就可以換湯底仲可以拎去打邊爐，今次我哋揀咗龍蝦海鮮粥湯底！火鍋料又多選擇，牛肉片淥兩淥就食得，羊肉又夠羶香，仲有好多海鮮可以揀。自助區仲勁，成個雪櫃都係菜，仲有唔同嘅麵同丸類任拎。最驚喜係飲品任飲，仲有雪糕任食，而且仲可以叫好多款甜品，我最鍾意食泡芙！服務都唔錯，啲姐姐成日過嚟問要唔要加湯，又快手收碟。環境都坐得舒服，冷氣夠涼，唔會食到成頭汗。價錢方面，以尖沙咀地段嚟講真係抵食，尤其係咁多嘢食任你點，仲要冇限時，真係可以慢慢食傾吓計。