Boat Thai

營業中

休息中

一直都好鍾意Isquare 呢間人氣泰菜，佢由泰國人主理，抵食又正宗！好多泰菜特色菜式！無論系泰式小食、沙律﹑粉麵飯﹑甜品都非常吸引！鮮菠蘿海鮮炒飯配有新鮮菠蘿，表面烤咗吓，更香甜，而且又多水份。黃薑炒飯爽口唔油，配有大蝦仁、魷魚，青口、菠蘿粒、肉鬆，口感非常豐富。泰式船湯河（轉咗金邊粉）食開河粉，但當日賣晒，所以轉咗金邊粉，足料大碗，有牛丸、牛肉片、芽菜同炸豬皮，湯底濃郁鮮甜，香料味突出，仲食到鮮甜味，金邊粉彈牙入味。半隻海南雞賣相好吸引，雞皮油亮，雞肉細膩爽滑。炸蝦餅蝦餅炸到金黃鬆脆，滿滿嘅蝦膠，非常Q彈，蝦餅香脆可口，份量滿足，沾泰式酸辣醬更好味。