尚上下夏 - 養生雞煲火鍋 (已結業)

約咗fd黎呢間尚上夏下打邊爐，成間鋪頭都畫滿哂貓貓，岩哂佢呢位貓奴。我哋叫咗鴛鴦湯底-足料龍蝦湯同美顏豆腐牛奶湯，龍蝦湯蝦味勁香濃，至於牛奶湯就又白又滑。野食方面我地叫咗手切頂級安格斯(半)、羊肉卷(半)、鬼馬墨魚(半)、招牌手打四寶丸(半)、美味三拼餃(半)，同埋餐廳自家煲嘅竹庶茅根。先講肉類，安格斯牛夠嫩滑，油膩分佈平均，牛味都濃。羊肉卷嘅質地就較為爽脆，一d都唔騷，抵讚。至於鬼馬墨魚係喺油炸鬼上面釀入墨魚滑，再鋪上一層滿滿嘅蟹子，口感層次豐富得黎，油炸鬼會吸收咗湯底嘅精華，更加鮮味。四寶丸有墨魚丸、蝦丸、豬肉丸同鯪魚丸，因為係手打嘅關係夠哂彈牙，而且夠新鮮完全冇雪味。三拼餃就分別有鮮蝦雲吞、韮菜豬肉餃同魚皮餃，皮薄餡靚。竹庶茅根夠足料，飲得出係自家煲，清甜解熱。