江順名滙

營業中

休息中

少有順德菜， 尖東位置，交通方便 落雨唔使擔遮， iSQUARE 3樓 地鐵電梯直上 十分方便。 之前同朋友中午去飲茶， 點心有個雪山叉燒包十分好味， 發現晚飯 有抵食龍蝦餐 同埋有新推出碌鵝， 所以同朋友去試下。 我之前未食過碌鵝( 要預訂)， 好特別 好好味 ， 仲有特價野生大冧歌， 有檯面上湯浸，清蒸同埋 油浸 三種食法。 本來想 試下 檯面上湯浸， 不過因為飲啤酒， 最後都揀左油浸， 冇揀錯 外面炸得好酥脆， 裏面啲肉仲好嫩， 送啤酒 冇得輸。 另外仲 叫了杏汁豬肺湯(要預訂)， 三太公， 焗魚腸， 花錦鱔 都好好味。 晚飯地方 坐得舒服 服務到位 。另外晚飯時發現有人 包房食飯， 仲有卡拉ok 同電動麻雀。 問問房間收費亦唔貴， 下次會再约朋試吓， 整體十分滿意可以一試