影片
更多
2021-07-06
193 瀏覽
幾次經過已經俾佢門口嘅巨型霓虹燈吸引到，今次終於唔係經過而係入去食飯啦😆 成間餐廳嘅裝修時尚型格，主題圍繞住宇宙太空， 有好多七彩繽紛嘅霓虹燈打卡位📸食物方面都幾多選擇，主要提供西餐為主。前菜我哋就試咗2款，烤鴨酥皮紙卷 ($88) 個酥皮都整得幾香脆，紙卷入面有好多鴨肉非常足料，食落甜甜地都幾惹味。法式焗田螺 ($98/8粒) 田螺肉質軟韌，個薯蓉超creamy好正🤤主菜就試咗招牌慢煮西班牙豬肩 ($208) ，豬肉肥瘦適中而且肉味都幾濃，非常入味，份量都幾大份添，都幾啱女仔share食。飲品我哋就試咗Mocktail🍹Cosmo Night ($70) 用咗芒果同橙呢兩款水果，所以就比較fruity。而Red Lip ($70)個底係紅莓同接木花，花香味相對較重，佢仲超靚有LED燈圍住，我一見到即刻心心眼咗😍呢度都幾啱一班朋友嚟食嘢飲嘢傾下計，都幾Chill～
成間餐廳嘅裝修時尚型格，主題圍繞住宇宙太空， 有好多七彩繽紛嘅霓虹燈打卡位📸
食物方面都幾多選擇，主要提供西餐為主。前菜我哋就試咗2款，烤鴨酥皮紙卷 ($88) 個酥皮都整得幾香脆，紙卷入面有好多鴨肉非常足料，食落甜甜地都幾惹味。法式焗田螺 ($98/8粒) 田螺肉質軟韌，個薯蓉超creamy好正🤤主菜就試咗招牌慢煮西班牙豬肩 ($208) ，豬肉肥瘦適中而且肉味都幾濃，非常入味，份量都幾大份添，都幾啱女仔share食。
飲品我哋就試咗Mocktail🍹Cosmo Night ($70) 用咗芒果同橙呢兩款水果，所以就比較fruity。而Red Lip ($70)個底係紅莓同接木花，花香味相對較重，佢仲超靚有LED燈圍住，我一見到即刻心心眼咗😍
呢度都幾啱一班朋友嚟食嘢飲嘢傾下計，都幾Chill～
張貼
