蔵鳶居酒屋

營業中

休息中

前排同家人去左尖沙咀既蔵鳶居酒屋食dinner，見未食過 所以對居酒屋充滿期待啊！鹽燒白鱔：由於同家人一樣對燒鱔情有獨鍾，所以我地order左一人一串。白鱔外皮燒得好脆口，但鱔肉口感較為林口，鹽燒味親帶咸，同時帶少許鮮味。厚燒牛舌芯：牛舌芯口感幾爽口，當中滲出不少牛脂油，所以食落吾會乾，而且更有少少牛香味。鹽燒雞軟骨：雞軟骨口感吾錯，食落吾會太硬，幾有口感。鹽燒雞腎：雞腎口感好爽口，個人覺得幾好食。焦糖菠蘿：由於家人好中意食菠蘿，特意order左黎試下！果然焦糖燒得夠香口，令菠蘿有另一種甜味。而菠蘿本身同同有香味啊！海膽杯：依個杯仔幾得意，外圍系海膽而中間系蝦肉和蟹籽。海膽無腥臭味，蝦肉幾鮮，蟹籽可調味，再配合紫菜一齊食，味道幾好。北海道海鮮丼：當中包有多款海鮮，三文魚充滿三文魚鮮味，帆立貝帶甜甜地，蟹籽同樣可調味，甜蝦鮮甜啊！海膽刀系無腥臭味。軟殼蟹卷：軟殼蟹吾算太多，但口感吾會太油同太乾，飯帶濕，整體也不錯。