六両三 (已結業)

今日嚟到呢間尖沙咀嘅台灣菜，都幾好食，而且價錢嚟講我哋都覺得非常可以接受，喺呢一區嚟講啲嘢都唔平，呢個價錢大概每人$150，我哋仲叫咗兩個主食同埋三個小食，CP值都非常高，有機會一定會返嚟再支持，原來佢觀塘仲有另一間分店，得閒都可以去試吓😆🔥手打牛筋丸麵，有六粒牛筋丸，分量嚟講都算非常多，牛丸非常有牛肉味，而且爽口彈牙味道非常高質，配埋佢本身嘅面，呢一個價錢淨係食牛丸都抵，其他配菜有生菜，個面控制火候正常，唔會做得太淋，所以整體上我哋都幾鍾意呢一個手打牛筋丸面（$86）🔥牛腱牛肋條面，有幾大塊牛腱，同埋仲有滷水蛋，滷水蛋做得非常入味，咬落去非常香，餐廳喺滷水方便做得非常好，牛腱就非常好食，琳琳地，亦都食得出非常入味嘅五香味道，牛肋條嘅口感就有啲似牛腩，非常有油香，而且充滿香濃嘅牛肉味，加埋面簡直就係絕配！成個面嘅配搭都非常好，而且呢一個份量真係好抵食，味道正宗，我覺得可以話係拍得住台灣嘅水平，鍾意食台式牛肉麵嘅朋友絕對唔可以錯過呢一個！🔥滷肉燙青菜，呢個係傳統嘅台式食物，用普通白灼嘅青菜，再加埋滷肉飯嘅滷肉汁，味道都幾夾，我同朋友都幾鍾意食！