燒肉801

營業中

休息中

今日約了在尖沙咀返工的朋友食午餐，朋友好想食燒肉就近近地去了間裝修以紅色為主的燒肉店。我地2個女仔點了個「801盛」，有大判燒！黑毛和牛肩胛肉、腹前牛小排、蔥鹽味雞腿肉，升級要左紫菜飯和神戶茶房烏龍茶，另外追加了豬腩片、牛舌、帆立貝同埋甜品—杏仁豆腐。服務員提醒我地大判燒！黑毛和牛肩胛肉只要燒幾秒就可以反轉再燒，之後就沾上蛋汁食，黑毛和牛肩胛肉好惹火，瞬間就熟了😆，果然沾上蛋汁後牛肉十分滑溜，令人難忘。腹前牛小排厚薄適中，一邊燒時已油香撲鼻，入口即化。蔥鹽味雞腿肉，記得先煎香雞皮那邊就無冇咁容易燒燶雞肉，燒雞肉需要一些耐性，燒好後沾上帶有蔥鹽檸汁的醬，口感清新。豬腩片多脂肪，可以燒香至金黃，搭配生菜和辣醬吃，十分爽。牛舌鬆軟香滑有韌勁，帆立貝大大隻，牛油香煎夠鮮味。最後甜品杏仁豆腐好滑，為呢一個午餐畫上圓滿的記號。餐廳座位寬敞，抽風勁，食完都唔會有太大陣味。