八木橋日式燒肉

今次同班朋友嚟八木橋放題，個個食到捧住個肚走，仲要個個讚不絕口！個日本A4和牛任食套餐，選擇多到眼花撩亂，樣樣都想試。A4和牛肩胛肉嘅油花靚到不得了，香蔥薄切和牛嘅食法又好清新，款款和牛都咁高質，完全唔似平時任食嗰種「雪到硬」或者「得個肥字」嘅貨色，師傅切肉嘅手勢同食材嘅揀選都睇得出有要求。

除咗主角和牛，其他肉類一樣出色到令人意外！韓風瓷壺牛肋肉醃得非常入味，醬油鹹甜度啱啱好，口感煙煙韌韌，好有咬口；澳洲M6三角腩肉味濃郁，脂肪比例平衡，食多幾件都唔會覺得肉赤或者好漏！

最驚喜係連海鮮部分都絕不馬虎，鮑魚上枱仲識郁咁滯，新鮮程度直逼滿分，燒完之後爽口鮮甜，完全無渣。最後我哋每人仲要encore多件羊架，個羶香恰到好處，外面燒到脆脆地，裡面肉質粉嫩，肉汁豐富，為成晚燒肉盛宴畫上一個完美句號。以尖沙咀呢個地段，呢個價錢可以任食到A4和牛、咁多款高質肉同海鮮，性價比真係無敵！已經成為我同朋友心目中嘅尖沙咀任食燒肉首選！

receipt