影片
更多
2022-11-14
50 瀏覽
《川味亭 - 尖沙咀》又一個等 @justlove_eat 收工既日子😂約咗大家收工後食飯，但公主大人要OT，唯有自己搵住餐廳坐住等😌喺尖東附近行行吓俾我搵到一間平價串燒店😆可以食住等之餘仲可以啤啤佢添🥸當晚我就一邊食一邊等佢到，其實叫住一兩串串燒慢慢咬都幾好😝可以消磨時間☺️當晚我地叫左好多款野食，埋單都係五百零蚊左右🥸仲要飲埋酒，食串燒黎講呢個價錢算係幾化算😉💁🏻♀️燒菠蘿 $18/份菠蘿我超極力推介，佢一份有六件，喺菠蘿上面落左焦糖再燒溶d糖粒😎啲糖融化咗之後變咗焦糖脆脆，除咗帶出咗菠蘿本身嘅甜味之外，再額外多咗份焦香，我哋encore左兩轉😂💁🏻♀️蒜蓉大生蠔 $58/2隻燒蠔都幾大隻，配蒜蓉永遠都唔會唔好食嘅😂不過我個人都係鍾意食生蠔多💁🏻♀️豬頸肉 $25豬頸肉燒到勁香脆，油脂豐富而且肉質好彈口💁🏻♀️脆香鮮雞皮 $28又係啲送酒嘅食物，燒到脆卜卜😎其實唔會覺得好肥膩💁🏻♀️一口燒番薯 $18唔知係咪番薯本身糖分高，燒過之後更加甜同埋好黏糯，作為甜品嘅話應該幾好💁🏻♀️原條燒粟米 $18我個人唔係太好食粟米，朋友話呢個粟米原條上都幾少有，不過佢自己一個食晒成條都幾犀利😂我眼見
又一個等 @justlove_eat 收工既日子😂約咗大家收工後食飯，但公主大人要OT，唯有自己搵住餐廳坐住等😌喺尖東附近行行吓俾我搵到一間平價串燒店😆可以食住等之餘仲可以啤啤佢添🥸當晚我就一邊食一邊等佢到，其實叫住一兩串串燒慢慢咬都幾好😝可以消磨時間☺️當晚我地叫左好多款野食，埋單都係五百零蚊左右🥸仲要飲埋酒，食串燒黎講呢個價錢算係幾化算😉
💁🏻♀️燒菠蘿 $18/份
菠蘿我超極力推介，佢一份有六件，喺菠蘿上面落左焦糖再燒溶d糖粒😎啲糖融化咗之後變咗焦糖脆脆，除咗帶出咗菠蘿本身嘅甜味之外，再額外多咗份焦香，我哋encore左兩轉😂
💁🏻♀️蒜蓉大生蠔 $58/2隻
燒蠔都幾大隻，配蒜蓉永遠都唔會唔好食嘅😂不過我個人都係鍾意食生蠔多
💁🏻♀️豬頸肉 $25
豬頸肉燒到勁香脆，油脂豐富而且肉質好彈口
💁🏻♀️脆香鮮雞皮 $28
又係啲送酒嘅食物，燒到脆卜卜😎其實唔會覺得好肥膩
💁🏻♀️一口燒番薯 $18
唔知係咪番薯本身糖分高，燒過之後更加甜同埋好黏糯，作為甜品嘅話應該幾好
💁🏻♀️原條燒粟米 $18
我個人唔係太好食粟米，朋友話呢個粟米原條上都幾少有，不過佢自己一個食晒成條都幾犀利😂我眼見呢條粟米都幾大條
💁🏻♀️錫紙燒娃娃菜 $38
食咗咁多油膩嘢點都要食返少少菜😂個娃娃菜用錫紙加湯去煮，其實個湯都幾濃味，不過食返啲菜個人感覺冇咁滯舒服好多
💁🏻♀️惹味台灣腸 $18
台灣腸其實就即係平時街邊小食嗰種台灣腸，呢個比較普通少少，不過燒熱咗又真係幾好食嘅
💁🏻♀️燒雞軟骨 $15
燒雞軟骨咬落油香十足，表皮燒到好脆，食到落咗椒鹽同埋辣粉，十分香口
💁🏻♀️麻辣燙 $58
麻辣燙有好幾個餐俾你揀，我哋揀咗四餸一麵兩個人share食，麵就揀咗好少見嘅土豆粉，再配豬大腸、脆肉鯇魚片、鵝腸同埋生菜，佢個麻辣燙湯底超級辣😂我哋只係叫咗小辣都辣到要即刻飲啤酒😅係咪我近排冇咁食得辣呢？😝佢個湯嘅辣度又係慢慢標上黎果一種😓頭幾啖你唔覺，慢慢個辣度就會湧上嚟，鍾意食辣嘅話不妨黎挑戰一下
💁🏻♀️鹽燒多春魚 $38/6條
其實去到尾段我已經開始食唔落，不過公主大人話要食多春魚，所以都叫咗一份，由於到後期開始多人，上菜嘅速度慢咗落嚟，等等吓我哋都開始飽，不過個多春魚都幾肥幾大條😂到底係邊度可以買到咁肥嘅多春魚🤣
💁🏻♀️椒鹽雞軟骨 $48
眼闊肚窄嘅公主大人話要送酒，食完串燒雞軟骨之後又要食椒鹽雞軟骨，的確，邊飲酒邊食係幾過癮嘅🤓雞軟骨鹹香味十足，份量都唔少
總括嚟講，呢度嘅價錢同埋份量其實算係平，如果再行過少少尖東酒吧區嘅話相信唔會有咁平嘅串燒店，同埋佢嘅份量普遍都幾多，我哋食到最後係飽到食唔晒所有嘢😂下次多啲人嚟嘅時候可以再試多少少其他嘅串燒😇
張貼
