LA FAMILLE (已結業)

位於沙田港鐵站嘅la famille,一直係肥雞好想打卡朝聖嘅地方。佢嘅蛋糕係用一個玻璃盒蓋住，呢種咁華麗嘅呈現方式真係令到肥雞非常之心動想試下佢嘅戚風蛋糕。咁肥雞今次就試咗四款味道，包括係香桃味，咖啡味，栗子味同埋開心果味。你見到每一件蛋糕都配上當造嘅水果，佢嘅香桃戚風蛋糕，軟滑嘅忌廉配上香甜爽口嘅桃子，濕潤嘅蛋糕口感真係令肥雞愛不釋手。佢嘅開心果戚風蛋糕外層包住咗浸開心果朱古力漿，香脆嘅口感配上開心果仁嘅香味，鬆軟嘅蛋糕，令肥雞重新愛上咗開心果。