就是偏偏喜歡你 (已搬遷) 新店位置

今晚同朋友仔食個飯，見到呢度嘅餐廳環境都幾靚，全間舖頭都係用花花做主題，真係少女心爆發。餐廳職員仲要勁Nice，幫我哋影相又教我哋點樣影。餐湯今日嘅餐湯係南瓜湯，佢一啲都唔Hea喎，係濃郁嘅南瓜，配上少少嘅忌廉感覺。香草忌廉煙三文魚意粉佢好有心思，煙三文魚都切到成個玫瑰花咁，意粉入邊都仲有好多蘑菇等配菜，味道濃郁但係唔膩。而意粉嘅份量都幾多，就算男仔都好足夠。芝士雞軟骨雞軟骨粒粒都好大粒，每粒都炸到好脆口，配上芝士粉，味道好豐富，一邊食一邊同朋友傾吓偈真係唔錯。旺旺桃花玫瑰花畫茶（玫瑰花冠，玫現花，金邊玫瑰，桃花，勿忘我，桂圓）佢連呢個花茶都好有誠意，平時都係普通茶包，而家個茶杯有埋乾花，靚好多。蜜桃小熊乳酸喺Menu見到呢杯嘢飲就心心眼一定要嗌，佢有個熊仔冰喺上面，呢杯嘢真係睇得又飲得，佢味道都唔錯，佢最底仲有少少蜜桃啫喱。最初都驚個熊仔冰會唔會溶到周圍都係，好神奇地佢係唔會，真係會慢慢咁滴落個杯入邊。