就是偏偏喜歡你 (已搬遷) 新店位置

一直都知道銅鑼灣食樓上有一間花海餐廳，四周都係花嘅佈置，專攻少女心，仲有少女心嘅你見到會唔會尖叫先？！唔單止環境，連食物嘅外相都好夢幻，會用食用花造點綴，連簡簡單單嘅凱撒沙律($108)都唔例外～喺咁甜蜜嘅環境一定要食返個甜品，招牌粉紅甜心心($98)係心形格仔餅甜品，擺盤都砌成一個心形，仲配埋雲呢拿雪糕，睇落食落都甜入心～餐廳仲有一個可愛店主，就係一隻肥頭耷耳嘅灰兔，佢會周圍喺地下走，一啲都唔怕陌生人，得閒可以同佢say個hi～