小黑糖 (宏生大廈)

營業中

休息中

周圍都係茶飲店，不過我見呢一間成日都會有啲特別嘅優惠而且非常支持香港、門口仲擺着好多水可以俾人拎，佢哋嘅餐牌主要係黑糖產品為主，以前一直都比較抗拒黑糖因為覺得好甜。叫咗杯黑糖珍珠鮮奶，比起出邊唔同呢度就係有得控制甜度雖然冇得完全冇糖，但係我哋都點左小糖，起碼比起出邊唔會太甜而且飲咗幾啖就覺得好膩。而且見到佢哋亦都會有優惠 原來佢哋開咗已經一周年仲有奶茶免費升級，寫住份量培新滋味加分嘅海報都幾吸引。而且佢哋仲有打卡位、亦都換上左聖誕嘅氣氛。除咗普通嘅鮮奶佢哋仲有好多唔同類型嘅查種例如紅茶綠茶，烏龍茶，鐵觀音四季春，類型比起出邊都尚算多。有啲產品仲會改啲特別啲嘅名字例如都幾吸引嘅芋頭飲品，變咗做芋見了你。另外都會有紫薯同埋要抹茶口味嘅歐蕾。珍珠嘅份量啱啱好，珍珠亦都非常煙銀好味。另外估唔到原來點珍珠奶茶杯大杯好多，應該就係一周年加咗份量。