江南瀨粉 (福榮街) (已結業)

放咗工食飯喺附近求其食碗粉，見到呢間江南瀨粉都幾多人食，所以就入去試吓，叫咗一個鵝腸牛肚瀨粉。🤣另外叫咗幾個小食，有韭菜豬紅，醃青瓜同埋煎墨魚餅，瀨粉嚟咗之後我哋以為用錯咗米線，點知原來佢哋嘅瀨粉真係咁嘅，好似平時米線咁，比較爽口冇咁透明，幾有口感唔錯！😄牛肚幾入味，鵝腸爽口。醃青瓜比較細份，不過韭菜豬紅又超級大碗，食極都食唔晒😂覺得煎墨魚餅最好食，因為都好彈牙幾足料，好多墨魚粒粒🤤唔錯快食首選！