第三站

來到樓上cafe station 3, 我哋坐咗角落頭嘅卡位左手邊望到一個大電視，同埋電視機旁邊有好多好多個三眼仔迷你公仔，排成三行，好似一隊迷你兵團咁好可愛。我哋叫咗黑松露帶子鮮菌會意大利飯（$128），西班牙海蝦辣肉腸燴飯（$122），小食炸物海鮮拼盤（$128），同埋兩杯嘢飲：一杯焦糖朱古力加cream（$44），同埋一杯熱情果梳打（$44）。我嗰杯焦糖朱古力都幾甜，最滿意係有焦糖嘅cream～小滿足！試咗兩啖男朋友嘅熱情果梳打，正常發揮好夠凍，酸酸甜甜幾好味～上菜也非常快，當我哋影食物相完正常打卡之後啲飯同埋炸物仲係微暖。我最喜歡的炸物是炸蟹鉗和炸蠔，炸蠔都幾新鮮，唔會話有啲咩奇怪嘢。炸帶子同埋炸魚手指就正常發揮，炸蝦都唔錯值得一提！個個酸忌廉醬都好開胃！我嘅主菜係黑松露帶子鮮菌意大利飯，個飯嚟咗嗰時我哋仲打緊卡，但都已經聞到好香黑松露味，食落都真係唔錯嘅，值得推薦啦呢個價！男朋友嗰個西班牙茄汁海蝦燴飯我就只係試咗兩啖，留意到佢啲香腸邊位微焦，覺得係有心機烹調過，男朋友都話啲料幾足！值得一提的是，這裏提供消毒手的濕紙巾可以提供餐前餐後清潔雙手。而且還有免費Wi-Fi提供，只需要