葉公館 (已結業)

夜晚同媽子食小菜，搵到呢間超級抵食，個晚仲要坐爆曬，晚市孖寶兩餸配搭，大大碟都只係208蚊，我哋揀左脆皮燒腩仔加果皮蒸鮑魚，燒腩仔份量勁多，想特別讚下佢個芥末好好食，甜辣適中，大力介鮑魚，即叫即蒸，甜豉油、麻油、果皮配合一流，香噴噴，非常彈牙爽口，唔係飽到上心口真係想叫多碟，跟住叫四川回鍋肉，辣勁十足，連我平時唔食椰菜都覺得廚師炒得好好食，叫個白飯撈飯一流，最後埋尾叫個是日精選燉湯，個晚係花膠螺頭雞腳瘦肉湯，哇個湯非常清甜，螺片爽身，超好飲，一盅先$38蚊，超抵食，一定會再返黎食，伙記又好禮貌好傾，食得開心😃